SILIKONAY - PIZTU SUA

"Gorrotoaren Indarra"-rekin Euskadiko irrati-zerrenden gorenean egon eta beraien gain 60 kontzertu baino gehiago izanik, aurten beraien bigarren lana plazaratu dute: "Piztu Sua". Lan hau edozein taldek bere garapen musikalean behar duen aurrerapausua da. Diska honekin batera, Zurbanoko mutilak beraien Punk Rock gogorrena dakarte berriro, estilo aldetik konplexurik gabekoa. Beraien jatorriaren eragin anitzak ahaztu gabe, oraingo honetan beraien nortasuna azpimarratuz datoz. Alde batetik, oinarri erritmikoa Social Distorsion-en garraztasunetik gertuago dago, Euskadin azkeneko urtetan entzunagoa den Epitaph eskolatik baino. Bestalde, gitarra nagusiak metal unibertsotik zuzenean ateratako gitarra soloak aurkezten dizkigu, nahiz eta zenbaitetan punk entzulegoak gaitzesten dituen. Hala ere, estribilo gogoraerrazak zein letra konprometituek, taldea, azken batean, estilo honen barruan kokatzen dute.Oraingoan ere letrak euskara eta gazteleraz emanak datoz. Instrumentuen aldetik berriz, azpimarratu beharreko berrikuntzak zenbait kantuetan sarturiko haize-instrumentu zein teklatuak dira. Musikari ezberdinek ere parte hartu dute; hala nola, Evaristo (Gatillazo), Itobe (Protesta!) eta beste bidai-lagun asko ahotsetan eta haize-instrumentuetan parte hartu dutenak. 2007ko Abuztua, Iraila eta Urrian Mikel Errazkinek Berako MIK estudioetan eta Hirusta Records estudioan produzitu, grabatu eta nahastua.

JOSEBA IRAZOKI & BELARDIAN - POBRE GARA

LANTZ - IGARAN GAIAK

LANTZ folk musika taldea elkartasun berezi batetik jaio zen; Garbiñe Insausti, Olatz Prat eta Oihana Lekuonaren ahotsak Mikel Errazkin, Xabi Lopez, Alaitz Telletxea, Josean Martin Zarko eta Juan Ezeiza musikariekin hain zuzen ere. Zortzi musikari hauek taldezberdinetan parte hartu edo hartzen dute; hala nola, Sorotan Bele, Alboka, Ganbara, Alaitz eta Maider, Garbiñe, Xarnege, Beti Mugan, Karelean, mikelerrazkin & HF, etabar. LANTZ hiru ahotsek eta folk-an eskarmentu handia duten musikariek alde batetik, eta bestelako musikak nahasturik bestetik sortu dezaketenaren adibide bat da. LANTZ taldeak bere lan berriaren bidez, elementu akustiko eta elektronikoak nahasturik, aldi berean garaikidea eta tradizionala izaterik badagoela adierazten digu. Ezinezko amodiotaz mintzo diren erromantze eta zorigaiztoko istorio ilunek, Alostorrea edo Agur nere arreba (Urtsuko kantak) bezalako kantu eta doinu zaharretan dute bere islada. Amodiozko abesti arraroak ere aurki ditzakegu Maitia Bilhoa Holli edo Basoilarrak kantuetan. Guzti hauek apartekoak eta originalak diren moldaketa polifoniko eta instrumentalen bidez, entzulearen buruan eta zentzuetan barneratzen dira. Akustikoak eta elektronikoak topo egiten dute egun musika folk garaikidea deritzon horretan. LANTZ bere lan diskografiko berria aurkezten du. Mikel Errazkinek ekoizturik, beste zenbaiten artean nazioartean aski ezaguna eta ospetsua den Phamie Gow artista eskoziarraren partehartzea eskaintzen digu.

GARBIÑE - IBILIAN

Bere ahotsa eta bere kantuak, hauexek dira Garbiñeren tresnak, ez du beste ezerren beharrik. Abeslari gaztea izanik, Euskal musikaren ikuspegian dauden gutxi horietakoa, bere lehen lan diskografikoak aho zabalik uzten du edonor.Bere kantuak, abesteko era eta bere musika guregana helarazteko sentsibilitate berezi hori dira gehien harritzen dutenak, izan ere, bere erreferentzi musikalak onenetarikoak dira: Norah Jones, Billie Holiday, Edith Piaf, Allison Krauss…
Lanbidez, aktorea. 15 urtetatik, konpositore eta abeslaria. Ezagunak ditu eskenatokiak, baina oraingoan gitarra alboan duela datorkigu lehen aldiz. Orainarte, pertsonai ezberdinen atzean ezagutu badugu ere, bide berri bat hasi du une honetan, kantuen bidez, istorio bakoitzean kontatzen digunarekin bere barrukaldeko zati txiki bat biluztearena alegia.
Bere lehen diska instrumentu aldetik oso aberatsa da, handikerietatik kanpo. Garbiñe bera, gitarra eta ahotsa lagun dituela hiru trebaturiko musikariekin: Txema Garcés kontrabaxu eta baxuarekin, Xabi Lopez gitarrekin eta Mikel Errazkin teklatu eta zuzendaritza musikalaren ardurapean. Baita ere Igor Telletxea baterian, Mikel Andueza saxoarekin besteak beste.
Inor ere epel utziko ez duen musikari eta pertsona.